Шетелдік пациенттерге арналған

Ұлттық ғылыми онкологиялық орталыққа (ҰҒОО) жүгіну үшін ресми сайтымыздағы «Шетелдік пациенттерге» бөліміндегі өтінім нысанын толтырыңыз.

Байланыс ақпаратын көрсетіңіз, жүгіну себебін қысқаша сипаттаңыз және бар медициналық құжаттарды тіркеңіз.

Өтінімді алғаннан кейін шетелдік пациенттермен жұмыс жөніндегі бөлім мамандары ақпаратты нақтылау үшін сізбен байланысады және әрі қарайғы қадамдарды түсіндіреді.

Құжаттарды жіберуде қиындықтар туындаса, бізге электрондық пошта арқылы жаза аласыз: nrockz@intpatients.com.

Медициналық жағдайды алдын ала қарастыру үшін мынадай құжаттарды дайындауды ұсынамыз:

• Пациент паспортының көшірмесі.
• Диагнозы көрсетілген медициналық қорытынды.
• Зертханалық және аспаптық зерттеулердің нәтижелері.
• Дәрігерлердің қорытындылары мен ауру тарихынан көшірмелер.
• Гистологиялық және иммуногистохимиялық зерттеулердің нәтижелері (жүргізілген болса).
• Молекулалық-генетикалық зерттеулердің нәтижелері (бар болса).
• Бұрын жүргізілген ем туралы ақпарат: оталар, химиотерапия, сәулелік терапия және еңгі басқа ем түрлері.

Егер сізде КТ, МРТ, ПЭТ-КТ немесе басқа зерттеулердің DICOM форматындағы нәтижелері болса, оларды жіберу тәсілін келісу үшін шетелдік пациенттермен жұмыс жөніндегі бөлімге хабарласыңыз.

Бастапқы өтінім үшін аталған құжаттардың барлығының болуы міндетті емес. Егер кейбір нәтижелер болмаса, колда бар материалдарды жіберіңіз. Қажет болса, мамандар қосымша қандай құжаттар талап етілетінін хабарлайды.

Өтінімді алғаннан кейін шетелдік пациенттермен жұмыс жөніндегі бөлім мамандары құжаттардың толықтығын тексереді және медициналық ақпаратты ҰҒОО бейінді мамандарына береді.

Дәрігерлер ұсынылған материалдарды зерделеп, әрі қарайғы тексеру мен емдеудің ықтимал нұсқаларын анықтайды.

Қажет болған жағдайда қосымша медициналық құжаттар немесе зерттеу нәтижелері сұратылуы мүмкін.

Қорытынды алынғаннан кейін пациентке әрі қарайғы іс-қимылдардың ұсынылатын жоспары, емдеудің ықтимал нұсқалары және медициналық қызметтердің болжамды құны туралы ақпарат беріледі.

Емдеу құны жеке анықталады және диагнозға, аурудың сатысына, пациенттің жағдайына, қажетті тексеру көлеміне және таңдалған емдеу тактикасына байланысты болады.

Медициналық құжаттарды қарастырғаннан және бейінді мамандардың ұсыныстарын алғаннан кейін біз медициналық қызметтер нарқының алдын ала есебін дайындаймыз.

Түпкілікті құны пациентті бетпе-бет тексеруден кейін және емдеу жоспарын нақтылағаннан кейін өзгеруі мүмкін.

Құны туралы алдын ала ақпарат алу үшін медициналық құжаттарды сайттағы өтінім нысаны арқылы жіберіңіз.

Иә, медициналық құжаттарды алдын ала қарау және Қазақстанға келгенге дейін кеңес беру ҰҒОО бейінді мамандарымен келісім бойынша ұйымдастырылуы мүмкін.

Кеңес беру форматы, оның мүмкіндігі мен құны жеке нақтыланады.

Бұл пациентке медициналық пікірді алдын ала алуға, емдеудің ықтимал нұсқаларын талқылауға және сапарды жоспарлауға мүмкіндік береді.

Тексеру немесе емдеу жоспарын келіскеннен кейін шетелдік пациенттермен жұмыс жөніндегі бөлім мамандары ҰҒОО-ға жүгінуді ұйымдастыруға көмектеседі.

Біз пациенттің орталықтың бейінді бөлімшелерімен өзара іс-қимылын үйлестіреміз, қажетті құжаттар туралы хабарлаймыз және әрі қарайғы ұйымдастырушылық қадамдарды келісеміз.

Сапар алдында келу күнін, тексеру немесе емдеу бағдарламасын және қажетті ұйымдастыру мәселелерін нақтылау үшін біздің бөліммен алдын ала байланысуды ұсынамыз.

Виза алу қажеттілігі пациенттің азаматтығына және Қазақстан Республикасына кірудің қолданыстағы ережелеріне байланысты.

Сапарды жоспарлар алдында Қазақстан Республикасының ресми көздері немесе еліңіздегі Қазақстанның дипломатиялық өкілдігі арқылы өзекті визалық талаптарды тексеруді ұсынамыз.

Егер сапарды ұйымдастыру үшін шақыру хат немесе медициналық орталықтан қосымша ақпарат қажет болса, бұл туралы біздің бөлім мамандарына хабарлаңыз. Қажетті құжаттарды рәсімдеу мүмкіндігі жеке нақтыланады.

Шетелдік пациенттермен жұмыс жөніндегі бөлім мамандары Астанаға сапармен байланысты ұйымдастыру мәселелері бойынша кеңес бере алады және тұру нұсқалары мен көліктік логистика туралы қолжетімді ақпаратты ұсына алады.

Трансферді немесе қосымша қызметтерді ұйымдастыру қажеттілігі мен мүмкіндігін келгенге дейін бөліммен алдын ала келісу керек.

Егер бөлек келісілмеген болса, тұру, көлік және басқа да ілеспе қызметтерге жұмсалатын шығындар медициналық емдеу құнына кірмейді.

Емдеу аяқталғаннан кейін пациент белгіленген тәртіпке сәйкес жүргізілген тексеру мен емдеу нәтижелері бойынша медициналық құжаттарды алады.

Қажет болса, емдеуші дәрігер әрі қарай бақылау, бақылау тексерулері және кейінгі емдеу бойынша ұсыныстар береді.

Үйге оралғаннан кейін пациент медициналық құжаттарға және ҰҒОО-мен әрі қарай байланысуға қатысты ұйымдастыру мәселелерін нақтылау үшін шетелдік пациенттермен жұмыс жөніндегі бөлімге хабарласа алады.