Медициналық физика бөлімі – Ұлттық ғылыми онкология орталығының клиникалық және техникалық қызметінің ажырамас бөлігі. Бөлімнің негізгі міндеті – халықаралық стандарттарға сәйкес онкологиялық ауруларды диагностикалау мен емдеудің барлық кезеңінде иондаушы сәулеленуді қолданудың қауіпсіздігін, сапасын және жоғары дәлдігін қамтамасыз ету.

1. Клиникалық қызмет

• Пациентке арналған сәулелік емдеудің жеке дозиметриялық жоспарын әзірлеу;
• Пациенттердің сәулелік жүктемесін оңтайландыру;
• Пациенттер мен медицина қызметкерлерінің радиациялық қауіпсіздігін қамтамасыз ету;
• Емдеу жоспарларын верификациялау (IMRT/VMAT, ART, SRS/SRT, SBRT, IMPT);
• Клиникалық міндеттерді орындау үшін ПЭТ/КТ, ПЭТ/МРТ және ОФЭКТ/КТ хаттамаларын сүйемелдеу.

2. Техникалық сүйемелдеу және сапаны бақылау

• Жаңа медициналық жабдықтарды пайдалануға енгізуге қатысу (емдеуді жоспарлау жүйелері мен қосымша құрылғыларды қоса алғанда);
• Жабдықты клиникалық пайдалануға енгізу (Commissioning) – жабдықтың жұмысқа қабілеттілігін кешенді сынақтан өткізу және верификациялау;
• Сапаны бақылау (QA) бағдарламаларын әзірлеу және енгізу;
• Диагностикалық және терапиялық жабдықтардың сапасын күнделікті, апталық, айлық, тоқсандық және жыл сайынғы бақылау;
• Брахитерапия көздерінің белсенділігін бақылау;
• Протондық шоқ параметрлерін (PBS) бақылау;
• Диагностикалық жабдықтарды калибрлеу;
• Халықаралық стандарттарға (IAEA, AAPM, ESTRO) сәйкестікті қамтамасыз ету.

3. Білім беру қызметі

• Сабақтас бөлімшелер мамандарын оқыту және консультациялық қолдау көрсету;
• Жас мамандарды даярлау (медициналық физиктерге арналған біліктілікті арттыру бағдарламасы, сертификат беру арқылы);
• Ішкі оқыту тренингтерін ұйымдастыру;
• Оқу және әдістемелік материалдарды әзірлеу.

4. Ғылыми-зерттеу және инновациялық қызмет

• Халықаралық және ұлттық ғылыми жобаларға қатысу;
• Ғылыми мақалалар жариялау;
• Клиникалық хаттамаларды әзірлеуге қатысу;
• Сәулелендірудің біріктірілген режимдері бойынша ғылыми зерттеулер жүргізу;
• Дозиметрия мен сапаны бақылаудың (QA) инновациялық әдістерін енгізу.

5. Ұйымдастырушылық қызмет

• ARIA онкологиялық ақпараттық жүйесінде сәулелік және протондық терапияның бизнес-процестерін әзірлеу және енгізу;
• Барлық медициналық жабдықтардың ARIA жүйесімен интеграциясын және жұмыс үдерістерін (workflow management) қамтамасыз ету;
• Клиникалық хаттамаларды жаңарту және стандарттау;
• Орталықты аккредиттеу мен инспекциялық тексерулерге дайындауға қатысу;
• Ішкі құжаттаманы жүргізу (стандартты операциялық рәсімдер, нұсқаулықтар, журналдар және электрондық құжат айналымы);
• Реттеуші мемлекеттік органдармен және халықаралық ұйымдармен өзара іс-қимыл жасау.