Арнайы тіршілікті қамтамасыз ету жүйелері бөлімі Радиациялық технологиялар орталығындағы өмірлік маңызды үдерістердің үздіксіз жұмысын қамтамасыз ететін инженерлік жүйелерді пайдалану, техникалық қызмет көрсету және олардың тұрақты жұмысын бақылауды жүзеге асырады.

Бөлімнің негізгі қызметтері

• Газбен жабдықтау жүйелерінің (оттегі, сутегі, гелий, вакуум және сығылған ауа) сенімді әрі қауіпсіз жұмысын қамтамасыз ету;
• Таза үй-жайлардағы желдету және ауа баптау жүйелерінің үздіксіз жұмысын қамтамасыз ету;
• Өндірістік және зертханалық үй-жайларда микроклимат көрсеткіштерін (температура, ылғалдылық және ауа тазалығы) белгіленген деңгейде ұстап тұру;
• Протондық терапияға арналған су дайындау және су тазарту жүйелерінің жұмысын қамтамасыз ету;
• Сұйық радиоактивті қалдықтарды жинау, сақтау және ағызу жүйелерінің жұмысын қамтамасыз ету;
• Жабдықтарға жоспарлы техникалық қызмет көрсету мен жөндеу жұмыстарын ұйымдастыру;
• Инженерлік жүйелерге техникалық мониторинг жүргізу және олардың жай-күйіне диагностика жасау;
• Санитариялық талаптардың, радиациялық және техникалық қауіпсіздік нормаларының сақталуын бақылау.
• Бөлім кешендегі барлық өндірістік үдерістердің радиациялық қауіпсіздігін, технологиялық сенімділігін және санитариялық талаптарға сәйкестігін қамтамасыз етуде маңызды рөл атқарады.