Біліктілік санаты:

 

• «Онкология» мамандығы бойынша жоғары біліктілік санатындағы дәрігер;
• «Жалпы хирургия» мамандығы бойынша жоғары біліктілік санатындағы дәрігер.

 

Еңбек өтілі: 37 жыл

Бөлімше / орталық: Көпсалалы хирургия орталығы

Кәсіби жетістіктері мен марапаттары

Медицина ғылымдарының докторы, профессор.

Қазақстан Республикасы Денсаулық сақтау министрлігінің «Жыл маманы» алғыс хаты (2005 ж.).

«Қазақстан Республикасының денсаулық сақтау ісінің үздігі» төсбелгісі (2007 ж.).

Қазақстан Республикасы Денсаулық сақтау министрінің медициналық жоғары оқу орындарының «Үздік оқытушысы» номинациясы бойынша Құрмет грамотасы (2017 ж.).

Қазақстан Республикасы Денсаулық сақтау министрлігінің «Денсаулық сақтау ісіне қосқан үлесі үшін» төсбелгісі (2019 ж.).

«Алтын скальпель» арнайы сыйлығы (2025 ж.).

«Құрмет» ордені (2025 ж.).

2000 жылдан бастап Еуропалық онкологтар және радиологтар қоғамының мүшесі.

2011 жылдан бастап FNCA (Азиядағы ядролық зерттеулер саласындағы ынтымақтастық және жаңа клиникалық хаттамаларды әзірлеу қауымдастығы) мүшесі.

2014 жылдан бастап Америкалық клиникалық онкология қоғамының (ASCO) мүшесі.

2017–2019 жылдары Қазақстан Республикасы Білім және ғылым министрлігі Білім және ғылым саласындағы бақылау комитетінің сарапшысы, 2021–2024 жылдары сараптамалық кеңесі төрағасының орынбасары болды.

2022–2023 жылдары «Қазақстан халқына» қоғамдық қорының Медицина комитетінің төрағасы қызметін атқарды.

«Ұлттық онкологиялық зерттеулер орталығы» қоғамдық қорының құрылтайшысы.

2025 жылы Әл-Фараби және Ахмет Байтұрсынұлы атындағы ғылым мен техника саласындағы мемлекеттік сыйлықтарға ұсынылған жұмыстарды бағалау жөніндегі сараптамалық-талдамалық комиссияның мүшесі.

Білімі

1988 жылы Семей мемлекеттік медицина институтын «Емдеу ісі» мамандығы бойынша тәмамдаған.

2007 жылы Шәкәрім атындағы мемлекеттік университетін «Құқықтану» мамандығы бойынша бітірген.

2015 жылы Алматы менеджмент университетінде (AlmaU) «Іскерлік әкімшілендіру» (MBA), денсаулық сақтау менеджменті бағыты бойынша білім алған.

Еңбек жолы

1989–1997 жылдары – Екібастұз қалалық өңірлік медициналық бірлестігінің хирург дәрігері.

1997–1999 жылдары – Семей қаласындағы №2 облыстық онкологиялық диспансердің хирургия бөлімшесінің меңгерушісі.

1999–2008 жылдары – Семей қаласындағы №2 облыстық онкологиялық диспансері директорының орынбасары.

2008–2014 жылдары – Семей мемлекеттік медицина университетінің ғылыми және клиникалық жұмыстар жөніндегі проректоры.

2014–2021 жылдары – «Семей медицина университеті» КеАҚ клиникалық және сәулелік онкология кафедрасының меңгерушісі.

2021 жылдан бастап қазіргі уақытқа дейін – «Ұлттық ғылыми онкология орталығы» ЖШС-нің онкохирургия жөніндегі бас консультанты.

Ғылыми және педагогикалық қызметі

214 ғылыми еңбектің, 6 монографияның, 4 оқу құралының, 22 авторлық куәлік пен өнертабыстың авторы. Еңбектері халықаралық Web of Science дерекқорында жарияланған.

2024 жылы қазақ, орыс және ағылшын тілдерінде жарық көрген «Қалқанша безі обырының ерте диагностикасы және сараланған емі» монографиясының авторы.

Оқу құралдарының авторы:

 

• «Жатыр мойны обырын емдеудегі заманауи интервенциялық технологиялар» (қазақ, орыс және ағылшын тілдерінде, 2019 ж.);
• «Онкологиялық тәжірибеде қалқанша безінің қатерлі ісіктерін диагностикалау мен емдеудің заманауи әдістері» (2021 ж.);
• «Сүт безі обыры бар науқастарды оңалту технологиясы» (2021 ж.).

 

2020 жылы жарық көрген «Пандемия жағдайында Қазақстан Республикасындағы онкологиялық науқастарда COVID-19 даму қаупін болжау картасы» әдістемелік нұсқаулығының тең авторы.

Қатерлі ісіктерді диагностикалау мен емдеуге арналған 8 клиникалық хаттаманы әзірлеуші.

Ғылыми жетекшілігімен 8 докторлық, кандидаттық және PhD диссертациясы, 5 магистрлік диссертация қорғалды. «Онкология» және «Сәулелік терапия» мамандықтары бойынша 20 резидент даярлады.

«Тони Бьюзеннің интеллект-картасы негізінде онкология пәнін оқытудың интеграцияланған моделі» атты білім беру технологиясының авторы.

ONCOLIFE_AST ғылыми-білім беру арнасының авторы.

2010 жылдан бастап сүт безі обыры, жатыр мойны обыры және басқа да онкологиялық аурулар бойынша халықаралық көпорталықты ғылыми зерттеулердің жетекшісі.

Заманауи медицинаның өзекті мәселелері бойынша Хиросима (Жапония, 2005 ж.), Анкара және Ыстанбұл (Түркия, 2008 ж.), Прага (Чехия, 2008 ж.), Сеул (Оңтүстік Корея, 2010 ж.), Париж (Франция, 2015 ж.) қалаларында халықаралық тағылымдамалардан өткен. Сондай-ақ Қазақстан Республикасы Алматы қаласындағы Әл-Фараби атындағы Қазақ ұлттық университетінде «Жоғары мектеп менеджменті» бағдарламасы бойынша білімін жетілдірген.

Кәсіби қызығушылықтары

Қалқанша безі обырын, кеуде қуысы мен құрсақ қуысы ағзалары ісіктерін диагностикалау және емдеу.