Дәрігер-химиотерапевт, онколог

Біліктілік санаты: жоқ
Еңбек өтілі: 3 жыл
Бөлімше: Күндізгі стационары бар мамандандырылған дәрілік терапия бөлімшесі

Кәсіби жетістіктері мен марапаттары

Денсаулық сақтау саласын дамытуға қосқан үлесі үшін медальмен марапатталған.

Білімі

2014–2019 жылдар – Назарбаев Университеті. «Биология» бағыты бойынша білім алып, бакалавр дәрежесін алған.

2019–2023 жылдар – Назарбаев Университеті. Doctor of Medicine (MD) бағдарламасы бойынша медициналық білім алған.

2023–2025 жылдар – Ұлттық ғылыми онкология орталығы. «Онкология (ересектер)» мамандығы бойынша резидентураны аяқтаған.

Қосымша білім және біліктілікті арттыру

2026 жыл – ONCO FUTURE халықаралық онкологиялық форумына қатысқан.

Еңбек жолы

2023–2025 жылдар – Астана қаласындағы Денсаулық сақтауды дамыту республикалық орталығында медициналық технологияларды бағалау жөніндегі бас маман болып қызмет атқарған.

2025 жылдан бастап қазіргі уақытқа дейін – Астана қаласындағы Ұлттық ғылыми онкология орталығының күндізгі стационары бар мамандандырылған дәрілік терапия бөлімшесінде дәрігер-химиотерапевт болып жұмыс істейді.

Ғылыми қызметі

2023 жылдан бастап онкологиялық ауруларды емдеу әдістерін жетілдіруге және заманауи медициналық технологияларды клиникалық тәжірибеге енгізуге бағытталған ғылыми зерттеулерге белсенді қатысады.

Негізгі ғылыми-зерттеу бағыттары:

Мезотелиоманы емдеуде гипертермиялық плевраішілік химиоперфузия әдісін қолдану хаттамасын клиникалық тәжірибеге енгізу;

Колоректалдық операциялардан кейінгі анастомоз жеткіліксіздігін ерте анықтау мақсатында Dutch Leakage Score шкаласына негізделген Colorectal Leakage App мобильді қосымшасын қолдану.

Ғылыми жарияланымдары

1. The Implementation of the Mobile Application “Colorectal Leakage App”, Based on the Dutch Leakage Score, for Early Detection of Anastomotic Leakage After Colorectal Surgeries — Pilot Study.

DOI: https://doi.org/10.3389/fsurg.2025.1538023

2. First Report of Pleural Mesothelioma Treated with Cytoreductive Surgery and Hyperthermic Intrathoracic Chemotherapy in Kazakhstan: A Case Report.

DOI: https://doi.org/10.1186/s13256-026-06112-w

Клиникалық хаттамаларды әзірлеуге қатысуы

Анальды өзек обырын емдеу жөніндегі клиникалық хаттаманың бірлескен авторы.

Кәсіби қызығушылықтары

Дербестендірілген онкология: әртүрлі ағзаларда орналасқан қатерлі ісіктерді емдеуде таргеттік терапия мен иммунотерапия әдістерін қолдану.

Тік ішек обырын емдеу: тотальды неоадъювантты терапия (TNT) стратегиясын клиникалық тәжірибеге енгізу.

Анальды өзек обырын емдеу: ауруды емдеудің заманауи тәсілдерін жетілдіру және өзектендіру.

Қабылдау орны

Ұлттық ғылыми онкология орталығы

Күндізгі стационары бар мамандандырылған дәрілік терапия бөлімшесі.

Астана қаласы, Керей мен Жәнібек хандар көшесі, 3/2.